Yil boshida Rossiyaning Sverdlovsk viloyatida ro‘y bergan va 4 kishining umriga zomin bo‘lgan avariyaga “Yekaterinburg go‘zali” tanlovi qatnashchisi sabab bo‘ldi. Bu haqda “Gazeta.ru” xabar bermoqda

Anastasiya Tryanina.
Foto: “Ura.ru”

YTH 8-yanvar kuni Yekaterinburg—Tyumen trassasining o‘ninchi kilometrida sodir bo‘ldi. Kia haydovchisi boshqaruvini uddalay olmay, yo‘lning qarama-qarshi tomoniga chiqib ketdi va Lada bilan to‘qnashdi.

Undagi 3 kishi, jumladan, uch yoshli qizaloq halok bo‘ldi, yana ikki kishi og‘ir jarohat oldi. Kia yo‘lovchisi ham olamdan o‘tdi. 

Kia avtomobilini haydovchilik guvohnomasini uch oy avval olgan, Asbestga, ota-onasining oldiga ketayotgan 20 yoshli Anastasiya Tryanina boshqargani ma’lum bo‘ldi. U 2017-yilda “Yekaterinburg go‘zali” nomiga da’vogarlik qilgan, biroq finalgacha yetib bormagandi. 

Anastasiyaga bir necha operatsiya qilindi, biroq hozirgacha hushiga kelgani yo‘q.