Oliy Majlis senatori O.A. Ataniyazovaning murojaatiga ko‘ra O‘zbekistonning Janubiy Koreyadagi elchisi V.V. Fen Nukus shahri turg‘uni, leykoz bilan kasallangan Yerimbetov Salamat Janubiy Koreyada bepul operatsiya qilinishini o‘z zimmasiga oldi. Bu haqda, ToshPTI Nukus filialiga asoslanib, “KRuz.uz” xabar berdi.
2017-yil oktabr oyidan ToshPTI Nukus filiali direktori Ataniyazova Oral Aminovna o‘tkir leykoz bilan kasallangan bemor 18 yoshli S. Yerimbetovni vasiylikga oldi. O‘shanda Nukus shahri 5-sonli saylov uchastkasini aylanib chiqish vaqtida O. Ataniyazova mahalliy OFY raisidan yordamga muhtoj bemorlar, kam ta’minlangan oilalar haqida ma’lumot berishini so‘radi va raisa Jannazarova Iglimxan leykoz bilan kasallangan og‘ir bemor borligini aytdi. Oral Ataniyazova Yerimbetov Sultonning oilasiga borib, bemorning o‘zi, uning oilaviy sharoiti, kasallik tarixi bilan yaqindan tanishib chiqdi va bemorni vasiylikga oldi.
Bemorni davolash sxemasi va ovqatlanish ratsioni ishlab chiqildi. 2018-yil 15-yanvar kuni davlat rahbarining tashabbusi bilan Qoraqalpog‘iston Respublikasida O‘zbekistonning Janubiy Koreya, Yaponiya, Germaniya va Kuvaytdagi elchilari bilan uchrashuv bo‘lib o‘tdi. Uchrashuv mobaynida Qoraqalpog‘iston Respublikasiga investitsiyalarni jalb etish imkoniyatlari va hududning yaqin yillarda rivojlanish strategiyasi muhokama qilindi.Uchrashuv paytida tibbiy kadrlarni tayyorlash, shuningdek, ijtimoiy soha bo‘yicha yangi loyihalarni taqdim etish bilan bir qatorda O. Ataniyazova elchilarga bemor Yerimbetov Salamatga tibbiy yordam ko‘rsatilishi va unga jarrohlik usulda davolash muhimligini takidlab o‘tdi va amaliy yordam berishni iltimos qildi.
O‘zbekistonning Janubiy Koreyadagi elchisi V.V. Fen S. Yerimbetovga Koreyaning nufuzli klinikalarining birida bepul operatsiya qilinishini o‘z zimmasiga oldi.Institutda S. Yerimbetovni Janubiy Koreyaga yuborish bo‘yicha “yo‘l xaritasi” ishlab chiqildi, bugungi kunda bemor Respublika ko‘p tarmoqli tibbiyot markazida statsionar rejimda davolanmoqda.ToshPTI Nukus filiali Yoshlar ittifoqi tashabbusi bilan onkologik kasallarga yordam ko‘rsatish guruhi tashkil etildi, guruh a’zolari doimiy ravishda har kuni bemorning holidan xabar olib, yordam bermoqda. Ushbu guruh a’zolaridan yetti talaba o‘z xohishi bilan S.Yerimbetov uchun qon topshirdi.
Izoh (0)