O‘zbekiston Respublikasi Xalq deputatlari Toshkent shahar kengashining qarori bilan Toshkent shahri bo‘yicha 2018-yil uchun mahalliy soliqlar va yig‘imlar stavkalari tasdiqlandi, deb yozadi Norma.
Hujjatga muvofiq, alkogolli mahsulotlar, shuningdek, umumovqatlanish korxonalari tomonidan alkogolli mahsulotlarni sotish 1 oylik savdo uchun eng kam ish haqining 6 barobari (avval 5 barobari edi); qimmatbaho metallar va qimmatbaho toshlardan yasalgan buyumlar — 1 oylik savdo uchun eng kam ish haqining 4 barobari (avval 3,5 barobari edi); avtotransport vositalarini vaqtincha saqlash bo‘yicha pullik xizmat ko‘rsatish huquqi uchun yig‘im har oy uchun eng kam ish haqining 7 barobari (avval — 6 barobari) etib belgilandi.
Bundan tashqari, iste‘mol uchun soliq quyidagicha belgilandi:
- benzin — 1 litr uchun 232,5 so‘m/1 tonna uchun 308 850 so‘m;
- dizel yoqilg‘isi — 1 litr uchun 232,5 so‘m/1 tonna uchun 282 500 so‘m;
- suyultirilgan gaz — 1 litr uchun 230 so‘m/1 tonna uchun 436 300 so‘m;
- siqilgan gaz — 1 kub.metr uchun 305 so‘m.
Izoh (0)