O‘zbekiston Prezidenti tomonidan 2017-yil 22-dekabr kuni Oliy Majlis palatalarining qo‘shma majlisidagi murojaati va O‘zbekiston Respublikasi IIVning 2017-yil 23-dekabr kunidagi ko‘rsatmasiga asosan, Qashqadaryo viloyatining Dehqonobod tumanida joylashgan “Chak-chak” muntazam YPX maskanining faoliyati to‘xtatildi. Bu haqda IIV Huquqbuzarliklar profilaktikasi matbuot xizmati xabar berdi.
Dehqonobod tumani hududidan o‘tuvchi M-39 “Olmaota—Bishkek—Toshkent—Shahrisabz—Termiz” avtomobil yo‘lining 1,335 kilometrida Surxondaryo viloyatining “Darband” YPX maskani joylashganligi, hozirgi kunda “Chak-chak” muntazam YPX maskani faoliyat olib borayotgan joyda xodimlarning xizmat o‘tashlari uchun yetarli shart-sharoitlar mavjud emasligi inobatga olinib, ushbu YPX maskanining faoliyati “maqsadga muvofiq emas”, deb topildi va faoliyati to‘xtatildi.
Izoh (0)