2009-yilning 12-iyun kuni Toshkent shahrida yashovchi 63 yoshli Xusnida Giyazovaning boshiga musibat tushdi. Aniqrog‘i, o‘sha kuni u o‘z qizi va qiz nabirasidan ajraldi, atigi bir yoshga to‘lgan o‘g‘il nabirasi esa bir umrga nogiron bo‘lib qoldi.
Ma’lum qilinishicha, ayolning kuyovi o‘z ukasi bilan uy-joy talashib, janjallashib qoladi. Oradan bir muddat o‘tib, kuyovining ukasi uning yo‘qligida ayolning qizi va qiz nabirasini miltiqdan otib tashlaydi. Qotil beshikda yotgan 1 yoshli jiyanini ham ayab o‘tirmay, unga ham bir necha bor o‘q uzadi va tovuqxonaga tashlab ketadi. Oilaning qo‘shnilari bolani topib oladi.
Amakisi beshikda yotgan bir yoshli jiyani Jahongirning qorniga, umurtqa pog‘onasi, qo‘li, qulog‘iga o‘q uzgan. Jahongirning hayoti bir necha marotaba o‘tkazilgan jarrohlik amaliyotidan so‘ng saqlab qolingan, biroq u 1-guruh nogironi bo‘lib qolgan. Bola 1 yoshligida 9 ta jarrohlik amaliyotidan o‘tkazilgan. Jahongir na yuradi, na gapiradi va na bir joyda yotadi. Uning o‘sha damdagi tashxisi – o‘qotar quroldan yaralangandan so‘ng bolalar serebral falaji (DSP).
“So‘nggi, eng oxirgi operatsiyada uning umurtqa pog‘onasining pastki qismiga qo‘shimcha maxsus disklar o‘rnatilishi kerak. Ana shunda Jahongir oyoqqa turadi. Xullas, nabiram yana ikkita operatsiyani boshidan o‘tkazishi kerak bo‘ladi. Jahongirning reabilitatsiyasi, ikkita operatsiyasi barchasiga 657 ming rubl mablag‘ talab etilyapti. Ammo men yolg‘iz boshim bilan, mana shu begona yurtlarda yurib, buncha mablag‘ jamg‘arishga qurbim yetmayapti. Qo‘limdan kelgan barcha ishlarni qildim. Shu nabiram uchun borimni berishga tayyorman. Shu paytgacha menga yaxshilik qo‘lini cho‘zgan odamlardan butun umr minnatdorman. Biz o‘zbeklarmiz, bir-birimizni og‘ir paytlarda hech qachon yolg‘izlatib qo‘ymaymiz. Rossiyada, oilamni boqay deb ishlagani kelgan, shu bilan birga bizga imkon qadar ko‘mak bergan vatandoshlarimdan mingdan ming roziman. Men ular bilan faxrlanaman. Har doim qo‘ng‘iroq qilishadi. Jahongirning salomatligi haqda so‘rashadi. Qurbi yetganlar moddiy yordam ko‘rsatishadi. Men ular haqida doim duodaman”, — deydi bolaning buvisi.
Sog‘lom hayotga qaytishishiga bir qadam qolgan Jahongirdan yordamingizni ayamang!
Jahongirga O‘zbekistonda yordam bermoqchi bo‘lgan yaxshilar uchun qo‘shimcha ma’lumotlar:
Agrobank hisob raqami: 8600 0417 1153 2524
Rossiyadagi saxovatpesha o‘zbekistonliklar uchun Sber bank visa klassik hisob raqami: 4276 5500 6008 0630.
Xusnida Giyazova bilan bog‘lanish uchun raqam:+79219292445
Izoh (0)