Eronda 2017-yil 28-dekabridan 2018-yil 5-yanvarigacha bo‘lib o‘tgan tartibsizliklar davomida 25 kishi halok bo‘ldi. Bu haqda mamlakat sud rasmiylari ma’lum qildi, deya xabar beradi “Interfaks”.
“Noroziliklar davomida qo‘lga olingan 400 ga yaqin kishi hibsda saqlanmoqda. O‘ldirilganlarning umumiy soni 25 kishini tashkil etdi. Ulardan hech biri xavfsizlik kuchlari otishmasi oqibatida o‘lmagan”, — dedi Eron sud rasmiylari vakili G‘ulomhusayn Muhsiniy.
Vakilga ko‘ra, ayrim kishilar xorijiy kuchlar bilan aloqada bo‘lgani aniqlandi va qamoqqa olindi.
Izoh (0)