O‘tgan yilning 22-dekabr kuni 2018-yilning birinchi yarmida O‘zbekistonda 3 bosqichdagi Qur’on musobaqasi o‘tkazilishi e’lon qilingan edi. Musobaqada qatnashuvchilarni ro‘yxatga olish jarayoni hali davom etmoqda. Bu haqda Qur’on musobaqasini o‘tkazish bo‘yicha tashkiliy qo‘mitaga tayanib, O‘zbekiston musulmonlari idorasi matbuot xizmati xabar berdi.
Tashkiliy qo‘mitaning ma’lum qilishicha, musobaqada ishtirok etish uchun joriy yilning 9-yanvar holatiga ko‘ra, Respublika bo‘yicha 847 nafar erkak va 284 nafar ayol hujjat topshirishgan.
Eslatib o‘tamiz, Qur’on musobaqasida 18 yoshdan 40 yoshgacha bo‘lgan barcha fuqarolar hifz va tilovat yo‘nalishlari bo‘yicha qatnashishlari mumkin. Ishtirokchilarini ro‘yxatga olish 13-yanvar kuniga qadar davom etadi.
Izoh (0)