O‘zbekistonning mudofaa doktrinasi qabul qilindi

Prezident Shavkat Mirziiyoyev “O‘zbekiston Respublikasi mudofaa doktrinasi to‘g‘risida”gi qonunni imzoladi. Bu haqda “Gazeta.uz” xabar bermoqda.

Doktrinada O‘zbekistonning mudofaa sohasidagi siyosati, Qurolli kuchlar vazifalari, mamlakatni harbiy-iqtisodiy ta’minoti asoslari, jumladan, harbiy-sanoat kompleksi rivojlanishining istiqbolli yo‘nalishlari belgilangan.

Hujjatda dunyo va mintaqada vaziyatning rivojlanish dinamikasi, yuzaga kelayotgan tahdid va chaqiriqlar inobatga olingan.

Yangi mudofaa doktrinasi O‘zbekiston tashqi siyosatining ochiqligi, yaqin qo‘shnilar bilan mustahkam aloqalarning ustuvorligini namoyish etadi, shuningdek, mamlakat mudofaa siyosati shaffofligi, xorijiy davlatlar bilan xavfsizlik va mudofaa sohasidagi munosabatlar samaradorligini ta’minlaydi.