Tik yuruvchi odamning (Homo erectus) ibtidoiy davrga oid yashash joyi qoldiqlari isroillik arxeologlar tomonidan Isroilning markaziy qismidagi Jaljuliya shahri yaqinidan topildi. Bu haqda “TASS” xabar berdi.
Bir necha oy davom etgan qazish ishlari natijasida ibtidoiy davrga oid yoshi qariyb 500 ming yilni tashkil qiluvchi bir gektar hududda joylashgan yashash joyi qoldiqlari topilgan.
Ko‘p miqdordagi tosh qurollar ilk paleolit davridagi odamlar hayoti haqida sezilarli darajadagi ma’lumotlarni beradi. Ibtidoiy jamoa odamlari qazilmalar hududidan 500 metr janubda joylashgan daryo bo‘yida yashagan. Bu yerdagi toza suv, turli ozuqa manbalari va kremniy qatlamlari yashash uchun qulay sharoitni yaratgan.
Izoh (0)