Braziliyalik futbolchi Filippe Koutinyo faoliyatining keyingi 5 yilini “Barselona” safida o‘tkazadi. Bu haqta kataloniyaliklar matbuot xizmati rasman ma’lumot berdi.
25 yoshli futbolchining tovon pulini “Barselona” 400 million yevro qilib belgiladi. Ya’ni, “PSJ” xuddi Neymar kabi Koutinyoni olib ketishni istasa, kataloniyaliklar hisob raqamiga shuncha pulni o‘tkazib qo‘yishi kerak bo‘ladi.
Norasmiy manbalar ma’lumotiga ko‘ra, “Barselona” liverpulliklarga 120 million yevro o‘tkazib bergan. Kelishuvga ko‘ra, Koutinyoning qanday o‘ynashiga qarab, ispan grandi “Liverpul”ga qo‘shimcha 40 milliongacha bonus berishi mumkin.
Koutinyo “Liverpul” safiga “Inter”dan 2013-yil kelib qo‘shilgandi. O‘tgan vaqt davomida futbolchi “mersisayd” klubi uchun 201 ta o‘yinda ishtirok etib, 54 ta gol urishga erishdi. Shuningdek, 46 ta golli uzatmani amalga oshirdi.
Izoh (0)