Shavkat Mirziyoyev 5-yanvar kuni Yangiyo‘l shahriga uyushtirgan tashrifi davomida tibbiyot birlashmasi tomonidan aholiga ko‘rsatilayotgan tibbiy xizmat sifati bilan tanishdi, deb xabar berdi Prezident matbuot xizmati.

Foto: Prezident matbuot xizmati

Birlashmaning ko‘z kasalliklar va kardiologiya bo‘limlarida bo‘lib, bemorlar holidan xabar oldi.

Mutassaddilarga mazkur tibbiyot markazini qayta qurish, aholi salomatligi yo‘lida hech narsani ayamaslik kerakligini ta’kidladi.

“Yangiyo‘ldagi shifoxonada bemorlar choponda yotganini ko‘rib, ko‘zimga yosh keldi. Krovatlar, binoning ahvoli yuragimda qoldi”, — dedi O‘zbekiston Prezidenti.