Amerikaning The National Interest jurnali Rossiya 2018-yilda Latviya, Litva va Estoniyani qisman yoki to‘liq egallab olishga urinishi mumkin, deb yozmoqda. Bu maqsadga erishish uchun Moskva 845 ming nafar askar yig‘ishi mumkin, deya mazkur maqolaga EADaily e’tibor qaratdi.
Maqolaga ko‘ra, Boltiqdagi uch mamlakatda 6,2 million kishi yashaydi, taxminan 22 ming nafar askar va 450 dona artilleriya bor, biroq tank va samolyotlar mavjud emas. Moskva 2600 ta tank, 5500 ta artilleriya va qariyb 1400 ta samolyot ko‘magida 845 ming nafar askar to‘play oladi.
Maqola muallifining fikricha, Moskva operatsiyani ko‘p resurs sarflamasdan, chaqmoq tezligida amalga oshirishi mumkin. Unga ko‘ra, bu holatda qarshilik ko‘rsatish ma’nisiz va Boltiqbo‘yi aholisi partizanlik urushiga tayyorlanishi kerak bo‘ladi. Muallif Boltiqbo‘yi mamlakatlari jamiyatni harakatga keltirish hisobiga Rossiya boshqinidan himoya rejasiga ega ekanligiga e’tibor qaratmoqda.
Izoh (0)