2-yanvar kuni nafaqat Toshkent viloyati Ohangaron tumani Ko‘ksaroy mahallasi uchun, balki voha va vodiy, shuningdek, butun O‘zbekiston aholisi uchun quvonchli voqea sodir bo‘ldi — Qamchiq dovonidagi yagona masjid, avtomagistral yo‘lning shundoqqina yuzida joylashgan “Islom nuri” jome masjidining tantanali ochilish marosimi bo‘lib o‘tdi. Bu haqda O‘zbekiston musulmonlari idorasi Toshkent viloyat vakilligi xabar berdi.
Masjidni O‘zbekiston musulmonlari idorasi raisi, muftiy Usmonxon Alimov hazratlari ochib berdi.
2013-yilda masjidni qayta qurish va ta’mirlash ishlari boshlangan edi. Masjid saxovatpesha homiylar hamda xalq hashari yo‘li bilan bitkazildi. Masjidda namozxonlar uchun barcha shart-sharoitlar yaratilgan, zamonaviy tarzda qurilgan tahoratxona el xizmatiga shay.
Izoh (0)