2018-yildan boshlab Rossiya janubida o‘n yillik sovish jarayoni boshlanadi. Bu haqda Rossiya Fanlar akademiyasining Janubiy tadqiqot markazi raisi Gennadiy Matishovga tayanib, “RIA Novosti” xabar berdi.
Uning so‘zlariga ko‘ra, bu jarayonning xabarchilari so‘nggi yillarda hududda yuz berayotgan kutilmagan sovuq qish hisoblanadi. Xususan, u Kaspiy va Azovdagi 80 kungacha davom etgan muzlashni ko‘rsatib o‘tgan.
Bundan tashqari, Matishovning ta’kidlashiga ko‘ra, hududda bahor oylarida noodatiy sovish qayd etilmoqda, buning oqibatda 2017-yilda meva-sabzavot hosili jiddiy zarar ko‘rgan.
Olim sovishning boshqa muammoli tomoni sifatida baliq ovi pasayishini aytib o‘tgan, shuningdek, u kemalar suzishida to‘siqlar yuzaga kelishi ehtimoli va qo‘shimcha muzyorarlarga ehtiyoj sezilishini ma’lum qilgan.
Izoh (0)