WikiLeaks asoschisi Julian Assanj 1-yanvar kuni o‘zining Twitter’dagi sahifasida qo‘shiqchi M.I.A. ning “Paper Planes” qo‘shig‘iga havola qilgan holda g‘alati yozuv qoldirdi. Bu haqda Meduza xabar berdi.
Twitter foydalanuvchilari Assanjning xabari qanday ma’no anglatishini topishga urinmoqda. Ba’zilar WikiLeaks asoschisining akkauntiga hujum uyushtirilganini taxmin qilmoqda. Xabarga ko‘ra, bu taxmin haqiqatga yaqin bo‘lishi mumkin, chunki 2017-yilning 25-dekabrida Assanjning profili yo‘qolib qolgan.
fb4e568623b5f8cf7e932e6ba7eddc0db9f42a712718f488bdc0bf880dd3 https://t.co/F0f5Gcsgeo
— Defend Assange Campaign (@DefendAssange) January 1, 2018
Ko‘pchilik qo‘shiq matnidan javob izlashga harakat qilgan. Foydalanuvchilarning fikricha, yozuv Assanj va uning manbalari yangi ma’lumot topganini va uni tez orada e’lon qilishni bildiradi.
Boshqa foydalanuvchilar Assanjning maxsus xizmatlar tomonidan qo‘lga olinib, AQShga olib ketilayotganini taxmin qilgan. Shuningdek, Assanjning vafot etgani va kod WikiLeaks’da yangi ma’lumotlarni faollashtirishi haqida ham taxmin qilingan.
Julian Assanj 2012-yildan buyon Ekvadorning Londondagi elchixonasida qolmoqda. U ta’qiblardan qochib, mazkur elchixonadan siyosiy boshpana olgan. Assanj AQShda maxfiy ma’lumotlarni oshkor qilganlikda ayblanadi.
Izoh (0)