IShID terrorchilik guruhi 2017-yilda Suriya va Iroqda xudkushlardan foydalanib, 770 ta hujumni amalga oshirgan. Bu haqda IShID axborot agentligiga tayanib, Directorate 4 Telegram-kanali ma’lum qildi.
Eng ko‘p xudkushlar Iroq armiyasi va uning ittifoqdoshlariga qarshi qo‘llanilgan — 493. Kurdlar joylashgan nuqtalarda 135 jangari o‘zini portlatgan. 120 ta hujum Suriya hukumat armiyasiga qarshi olib borilgan. Yana 22 ta portlash “mo‘tadil muxolifat” deb nomlanuvchi guruhlarga zarba bergan.
Shu bilan birga, aniqlik kiritilishicha, 561 ta holatda portlovchi modda bilan to‘ldirilgan texnikadan, 175 ta holatda portlovchi moddali kamzuldan, 28 ta holatda esa — xudkush kamaridan foydalanilgan. Yettita hujumni amalga oshirishda bir yo‘la ikki xudkush qo‘llanilgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)