Ideal avtomobil mavjud emas, biroq ma’lum bir vaziyat uchun ideal variantni topsa bo‘ladi. Insider Pro 2017-yilning eng yaxshi avtomobillari haqida ma’lumot to‘plab taqdim etdi.

Mercedes-Benz AMG GTR — 157 000 dollar

Foto: Insider Pro

577 ot kuchiga ega to‘rt litrli V8 dvigateli bilan jihozlangan ushbu model soatiga 100 kilometr tezlikka 3,5 soniyada chiqa oladi. AMG saloni isitiladigan o‘rindiqlar bilan jihozlangan.

Ferrari GTC4Lusso — 300 000 dollar

Foto: Insider Pro

680 ot kuchiga ega V12 dvigateli bilan jihozlangan modelga 0 dan soatiga 100 kilometr tezlikka chiqish uchun 3,4 soniya kifoya qiladi. Uning maksimal tezligi 334 km/soat.

Ushbu model o‘zining yukxonasi kengligi bilan ajralib turadi, shuningdek, uning orqa o‘rindig‘iga bitta odam bemalol sig‘adi.

Lamborghini Aventador S — 442 000 dollar

Foto: Insider Pro

Afsonaviy V12 dvigateli bilan jizohlangan Aventador’ning quvvati 700 ot kuchiga teng. Soatiga yuz kilometr tezlikka 2,9 soniyada chiqadi. Maksimal tezligi 350 km/soat.

Rolls-Royce Phantom — 450 000 dollar

Foto: Insider Pro

563 ot kuchiga ega 6,75 litrli V12 dvigateli bilan jihozlangan Phantom 5 soniyada 100 kilometr tezlikka erishadi.

Ushbu modeldan qirolicha Yelizaveta II va boshqa ko‘plab milliarderlar foydalanadi.

BMW 760iM — 156 495 dollar

Foto: Insider Pro

601 ot kuchiga ega V12 dvigateli bilan jihozangan sedan 3,6 soniyada 100 kilometr tezlikka chiqa oladi. Maksimal tezligi esa 249 km/soatga teng.

Modelga massaj o‘rindiqlar, Bowers & Wilkins Diamond Surround Sound audiotizimi va spa-markazlardagi kabi avtomatik qoraytirgich o‘rnatilgan.

Porsche 911 Turbo Cabriolet — 182 000 dollar

Foto: Insider Pro

Porsche 911 Turbo Cabriolet’ning 2017-yilgi versiyasi Audi va Mercedes’ning kabrioletlaridan ko‘ra tezkorroq. U 3 soniyada 100 kilometr tezlikka chiqa oladi. Maksimal tezligi esa 319 km/soatga teng.

Volvo V90 Cross Country — 55 300 dollar

Foto: Insider Pro

Volvo V90 Cross Country keng salonga ega bo‘lib, to‘liq o‘lchamli yo‘ltanlamaslar uning yonida ma’nisiz shishirilgandek tasavvur uyg‘otadi. Shuningdek, u o‘z dizayni bilan ham boshqa krossoverlardan ajralib turadi.