Xitoy 1-yanvardan yengil avtomobillarning 553 modelini ishlab chiqarishni to‘xtatdi. Bu haqda “Kommersant.ru” xabar bermoqda.

Foto: “Motor”

Bunga ularning mamlakatda havo ifloslanishiga qarshi kurash fonida tashlanmalarning ruxsat berilgan me’yoriga to‘g‘ri kelmasligi sabab bo‘ldi.

Mamlakat avtomobil texnologiyalari markaziga ko‘ra, Audi, Mercedes-Benz, Chevrolet’ning ayrim sedanlarini ishlab chiqish to‘xtatiladi. Taqiq ostiga tushgan mashinalar ro‘yxati kengaytirilishi istisno etilmadi.

Oldinroq Xitoy rasmiylari mamlakatda dizel va benzin dvigatelli avtomobillarni ishlab chiqarishni 2040-yilga kelib to‘liq man etish rejasini e’lon qilgandi.