Telefonlar uchun vinil skinlar ishlab chiqaruvchi mashhur dbrand kompaniyasi foydalanuvchilarning ko‘p sonli iltimoslari bilan smartfonlarning ommabop modellari uchun g‘iloflarni taqdim etdi, deb yozadi “Layfxaker”. Grip deb nomlanuvchi g‘ilof himoyalanganlikning yuqori darajasi va yuzalarga hayratlanarli tarzda tirkalib qolishi bilan farqlanadi: smartfon hatto qiya tekisliklardan ham tushib ketmaydi.
Grip bilan qoplangan smartfonni stolga bemalol tashlab yuborish mumkin: gadjet nafaqat beshikast qoladi, balki polga sirg‘alib tushish o‘rniga, go‘yoki, stolga yopishib ham qoladi. Bamper romi uglerodli tola va polimer asosidagi patentlangan birikmadan tayyorlangan, bu yengil vazn saqlanib qolgan holatda elastiklik va yuqori darajada pishiqlikni kafolatlaydi.
G‘ilof iPhone, Samsung Galaxy, Google Pixel, OnePlus va Nexus kabi barcha ommabop modellarga mos tushadi. Uni Indiegogo’da 34 dollarga buyurtma qilish mumkin. Ilk nusxalarni yanvardayoq yetkazib berishni boshlashadi.