SpaceX kompaniyasining o‘ta og‘ir Falcon Heavy raketasining 39A parvoz stansiyasiga o‘rnatilishi aks etgan video paydo bo‘ldi. Raketaning parvozi 2018-yilning yanvar oyiga mo‘ljallangan. Bu haqda “Korrespondent.net” xabar berdi.

Foto: “Korrespondent.net”

Dastlabki ma’lumotlarga ko‘ra, raketa parvozi 15-yanvardan 21-yanvargacha bo‘lgan vaqt oralig‘ida amalga oshiriladi.

Falcon Heavy’ning parvozidan oldin uni birinchi parvozga tayyorlovchi turli sinovlar o‘tkaziladi.

Videoda raketaning vertikal holatga keltirilish holati aks etgan. Videoda bu jarayon bir necha soniya davom etgan bo‘lsa ham, aslida buning uchun 10 daqiqadan ko‘proq vaqt ketgan.