29-dekabrning e’tiborga molik yangiliklari — “Daryo”ning kechki dayjestida.
1. OAV: Botir Parpiyev Davlat soliq qo‘mitasi raisligidan bo‘shash to‘g‘risida ariza yozgani haqidagi xabarlar — mutlaqo yolg‘on. Qo‘mita raisining salomatligi yaxshi ekani aytilmoqda.
2. Maktab direktorlarini urgan Sayxunobod hokimining ishi sudga oshirildi. U jarima to‘lashi ham, 15 sutkagacha qamalishi ham mumkin. Ayni vaqtda, bu hokim uni videoga olgan kollej direktorini sudga bergan.
3. O‘zbekistonning Moskvadagi elchixonasi kaltaklangan o‘zbekistonlik ayolga yordam beradi. U Belarusda o‘z o‘g‘li bilan doimiy yashash uchun 16-dekabr kuni “Domodedovo” aeroportiga uchib kelgan edi.
4. Enrike Iglesiasning “Istiqlol”dagi konserti qanday o‘tdi? Masalan, Ulug‘bek Ismoilov yana avjiga chiqdi — Iglesias unga hatto ta’zim ham qilib yubordi.
5. “Nasaflashayotgan” “Paxtakor” Qarshi klubining oltinchi futbolchisi bilan ham kelishuvga erishdi. Eslatib o‘tamiz, kumush medallar uchun hal qiluvchi o‘yinda Qarshi klubi “Paxtakor”ni 4:0 hisobida mag‘lub etgan edi.
Izoh (0)