Futbol bo‘yicha Angliya Premyer-Ligasida 20-tur bellashuvlari o‘z yakuniga yetdi. Uning so‘nggi bellashuvi London derbisi shaklida o‘tib, “Arsenal” hamshahri “Kristal Pelas” maydonidan 3 ochko bilan qaytdi.
“Manchester Siti” APLda o‘zining ketma-ket 18-g‘alabasiga erishdi. Bu safargi qahramon Rahim Sterling
Mazkur g‘alabasidan keyin “to‘pchilar” ochkolar soni bo‘yicha Londonning boshqa bir klubi “Tottenhem” bilan tenglashib oldi. Ayni vaqtda “Arsenal” xuddi o‘tgan mavsumda bo‘lgani kabi, kuchli oltilikning 5 ta jamoasidan keyingi pog‘onani egallab turibdi.“Kristal Pelas”ga qarshi bellashuv Arsen Venger uchun APLdagi 810-bo‘lib tarixga kirdi va bu borada mutaxassis “Manchester Yunayted” afsonalaridan biri Ser Aleks Fergyuson bilan tenglashib oldi.
Statistikaga nazar solinsa, 810 tadan bellashuvda ishtirok etgan mutaxassislar orasidan Fergyusonning natijasi yaxshi. U 528 ta o‘yinni o‘z foydasiga hal qilgan bo‘lsa, Vengerda bu ko‘rsatkich 468 tani tashkil qiladi. Shotlandiyalik murabbiy 114 ta o‘yinni boshi egik holda tark etgan bo‘lsa, uning fransiyalik hamkasbida mag‘lubiyatlar soni 145 ta. Eng muhimi, Fergyuson yuqoridagi o‘yinlari davomida 13 ta sovringa ega chiqqan. Venger esa faqatgina 3 ta.
Boxing day. “Yunayted” o‘z uyida ham ochko yo‘qotdi. “Tottenhem” va “Liverpul” esa 5 tadan gol urdi
Angliya Premyer-Ligasi 20-tur bellashuvlari 28-dekabr, payshanba“Kristal Pelas” — “Arsenal” 2:3
Gollar: Shkodran Mustafi, 25 (0:1). Andros Taunsend, 49 (1:1). Aleksis Sanches, 62 (1:2). Aleksis Sanches, 66 (1:3). Jeyms Tomkins, 89 (2:3).
Izoh (0)