AQSh sobiq prezidenti Barak Obama va sobiq Davlat kotibi Hillari Klinton 2017-yilda amerikaliklar tomonidan eng hurmatga sazovor erkak va ayol deb topildi. Gellap instituti o‘tkazgan so‘rov natijalari shundan dalolat bermoqda, deya xabar beradi “Korrespondent.net”.
Obama 17 foiz ovoz to‘plab (o‘tgan yilga nisbatan 5 foiz kam), o‘ninchi bor eng obro‘li erkak nomiga sazovor bo‘ldi. Ikkinchi o‘rinni Donald Tramp (14 foiz), uchinchi o‘rinni Rim papasi Fransisk (3 foiz) egalladi.
Hillari Klinton mazkur nominatsiyada qatorasiga 16-marotaba yetakchilik qilmoqda (9 foiz). Undan keyingi o‘rinlar mamlakatning sobiq birinchi xonimi Mishel Obama (7 foiz) va teleboshlovchi Opra Uinfriga (4 foiz) nasib etdi.
Izoh (0)