Qo‘shiqchi Riannaning 21 yoshli amakivachchasi otib o‘ldirildi

Barbadosda xonanda Riannaning amakivachchasi Teyvon Keysin Alleyn vafot etdi, deb xabar beradi Nation News.

Teyvon Keysin Alleyn Sent-Maykl okrugida 26-dekabr kuni soat 19:00 atrofida o‘ldirilgan. Alleyn o‘z uyi yaqinidagi yo‘ldan ketayotgan edi, shu payt noma’lum shaxs unga yaqinlashib, bir necha marotaba o‘q uzgan hamda voqea joyidan yashiringan.

Jabrlanuvchi og‘ir tan jarohati olgan bois shifoxonada vafot etdi. U 21 yoshda edi. Politsiya tergov-surishtiruv ishlarini boshlagan. Rianna qarindoshining o‘limiga Instagram’dagi sahifasi orqali munosabat bildirgan. Xonandaning so‘zlariga ko‘ra, Alleynning o‘limidan bir kun avval ular Rojdestvoni birga nishonlagan edi.

“Joying jannatdan bo‘lsin, uka! Kecha sen quchog‘imda eding. Bu so‘nggi marta bo‘lganiga ishongim kelmayapti”, — deb yozgan xonanda o‘z sahifasida.

https://www.instagram.com/p/BdMLSMTDO5i/?taken-by=badgalriri