Google qidiruv tizimi AQShning 2017-yildagi eng mashhur avtomobil markalari ro‘yxatini e’lon qildi. “Motor”ning yozishicha, reyting eng ko‘p qidirilgan so‘rovlar asosida tuzib chiqilgan. Ro‘yxatdan 10 kompaniya o‘rin olgan.

Foto: “Motor”

O‘tgan yil bilan taqqoslaganda, reyting sezilarli o‘zgargan. Ro‘yxatdan, masalan, Bentley, Maserati, Lamborghini va Rolls-Royce kabi juda qimmat premium va sport markalari tushib qolgan. Ayni vaqtda, Kia va Hyundai koreys brendlari reytingdan joy olgan — 2016-yilgi ro‘yxatda ular yo‘q edi.

Google’da 2017-yili eng ko‘p qidirilgan avtomobillar

  • Ford
  • Lexus
  • Kia
  • Toyota
  • Honda
  • Buick
  • Acura
  • Tesla
  • Hyundai
  • Dodge

2016-yili amerikaliklar tomonidan Google’da eng ko‘p qidirilgan marka Honda bo‘lgan edi. 2015-yilgi ro‘yxatda Chevrolet, 2014-yilgisida esa Ford peshqadamlik qilgan. E’tiborli tomoni, uch yil avvalgi reytingda atigi bitta Yevropa brendi — BMW bor edi. Keyinchalik ularning soni uchtagacha (Porshce, Mercedes-Benz va Volkswagen), 2016-yilda esa yettitagacha ko‘paydi.