Milliy olimpiya qo‘mitasida “Sportda dopingga qarshi kurash” mavzusida anjuman bo‘lib o‘tdi, deb yozdi tashkilot matbuot xizmati. Unda O‘zbekistondagi barcha sport federatsiyalari va assotsiatsiyalari bosh kotiblari, terma jamoalar bosh murabbiylari hamda shifokorlari ishtirok etgan.

Foto: MOQ

Seminarda xalqaro mehmonlar sifatida serbiyalik Milan Mixaylovich, rossiyalik Vladimir Saltikov hamda qozog‘istonlik Kulman Nisanbayeva qatnashdi. Bungacha Milan Mixaylovich “Milliy federatsiyalarda sport administratsiyasi” mavzusida seminar o‘tib bergan bo‘lsa, Saltikov hakamlar bilimini oshirish masalasida ish olib borgan. Mintaqaviy antidoping agentligi vakili hisoblangan Kulman Nisanbayeva esa doping masalasida chiqish qilgan.

MOQ bosh kotibi Oybek Qosimov seminarni olib borgan. Uning yakunida xalqaro mehmonlarga tashkilot esdalik sovg‘alari topshirilgan.

Foto: MOQ

Foto: MOQ

Foto: MOQ

Qayd etish kerak, 2017-yilning o‘zida sport sohasini rivojlantirishga doir mamlakat prezidentining 9 ta qaror va farmoni e’lon qilingan bo‘lib, bunda nafaqat professional, balki ommaviy sportni ham rivojlantirish masalasi kun tartibiga qo‘yilgan.

Foto: MOQ