2017-yilda ma’lum bo‘lgan eng esda qolarli nikoh to‘ylari reytingi tuzildi, deb yozadi “Fotoshedevr”. Ro‘yxatda krasnodarlik sudya qizining nikoh marosimi yetakchilik qildi. Matbuotni ushbu tadbirni o‘tkazishga sarflangan summa o‘ziga jalb qildi.

Foto: “Fotoshedevr”

Ikkinchi o‘rinni shahzoda Garri va qallig‘i Megan Marklning hali bo‘lib o‘tmagan to‘yi egalladi. Nikoh marosimi kelasi yilning bahorida o‘tkaziladi, ammo unashtiruvdan so‘ng ular OAVda eng ko‘p muhokama qilinayotgan juftliklardan biriga aylandi.

Yetakchi uchlikka xokkeychi Aleksandr Ovechkin va Anastasiya Shubskayaning to‘yi yakun yasadi. Marosim chog‘ida sportchiga Rossiya prezidentining shaxsan o‘zi qo‘ng‘iroq qilib, uni hayotidagi yangi bosqich bilan tabriklagan.

Reytingdan, shuningdek, model Viktoriya Lopiryova va qo‘shiqchi Nikolay Baskovning 2018-yil yozida bo‘lib o‘tadigan to‘yi, xonanda Alla Pugachyova va Maksim Galkinning nikoh marosimi, Nikita Presnyakov va Alyona Krasnova, Lionel Messi va rafiqasining to‘ylari, Yana Rudkovskaya va Yevgeniy Plyushchenkoning nikoh marosimi joy oldi.

Eslatib o‘tamiz, Rossiyaning Krasnodar o‘lkasi sudyasi Yelena Xaxaleva qizining to‘yini uyushtirib, unga 2 million dollar sarflagan edi.