Amerikaning SpaceX kompaniyasi o‘nta Iridium NEXT telekommunikatsiya sun’iy yo‘ldoshi joylashgan Falcon 9 tashuvchi raketasini uchirdi. Bu haqda SpaceX’ning rasmiy saytiga asoslanib, “Gazeta.ru” xabar berdi.

Foto: SpaceX

Tashuvchi raketa AQSh Harbiy-havo kuchlarining Kaliforniyada joylashgan Vandenberg bazasidan soat 06:27 da uchirildi. Hozirda ajralib tushgan tashuvchi raketaning birinchi qismi 2017-yilning iyunidagi parvozda ham foydalanilgan edi.

Iridium NEXT sun’iy yo‘ldoshlar guruhi orbitadagi eski avlod sun’iy yo‘ldoshlarining o‘rnini egallaydi. SpaceX’ning Iridium Communications bilan shartnomasiga ko‘ra, kompaniya 70 dan ortiq sun’y yo‘ldoshni uchirishi kerak.