Toshkentning “Paxtakor” futbol klubi 30-yanvar kuni Osiyo Chempionlar Ligasining pley-off o‘yinida ishtirok etadi. Shota Arveladze murabbiyligidagi jamoa 1 ta o‘yindan iborat saralashni Qatarda “Al-Garafa”ga qarshi o‘tkazadi.

Foto: “Championat.asia”

Yangi yil arafasida gruziyalik mutaxassis “Paxtakor” futbolchilarini yig‘di va tayyorgarlikning birinchi bosqichini boshladi, deb yozdi klub rasmiy sayti. Arveladzening “Championat.asia” saytiga ma’lum qilishicha, yarim himoyachi Sherzod Karimovga javob berib yuborilgan va u “Paxtakor” bilan rasman xayrlashgan.

Karimov faoliyatining keyingi qismini qaysi klubda davom ettirishi ma’lum emas. Olingan ma’lumotlarga ko‘ra, ijara asosida o‘tgan mavsumni “Lokomotiv” safida o‘tkazgan Jaloliddin Masharipov “Paxtakor” mashg‘ulotlariga kelib qo‘shilgan. Bungacha “Lokomotiv”ning yana bir futbolchisi Ikrom Aliboyev ham “paxtakorchi”ga aylangani borasida xabarlar paydo bo‘lgandi.

“Lokomotiv” yarim himoyachisi Ikrom Aliboyev kelasi mavsumni “Paxtakor” safida boshlaydi

Foto: “Paxtakor”

Qo‘shimchasiga, Arveladzening mashg‘ulotiga “Nasaf” himoya chizig‘i vakili Farrux Sayfiyev qo‘shilgan. O‘tgan mavsumning yarmida “Paxtakor” qarshiliklardan darvozabon Eldor Suyunov hamda himoyachi Sherzod A’zamovni 1 milliard so‘mga sotib olgandi. Qarshidagi 0:4 hisobidagi mag‘lubiyatdan keyin “Nasaf”ning yana ikki futbolchisi “Paxtakor” murabbiyining e’tiboriga tushgan. Ikkinchi futbolchining kim ekani yaqin orada ma’lum bo‘ladi.

Foto: “Paxtakor”