2018-yilda O‘zbekistondagi 21 634 ta fermer xo‘jaligida ko‘p tarmoqli faoliyatni yo‘lga qo‘yish bo‘yicha qariyb 23 mingta loyiha amalga oshiriladi. Bu haqda kecha o‘z ishini yakunlangan O‘zbekiston Respublikasi Oliy Majlisi Senatining o‘n uchinchi yalpi majlisida aytildi, deb xabar berdi O‘zA.
Ko‘p tarmoqli fermer xo‘jaliklari tomonidan 7,4 ming gektar maydonda intensiv bog‘lar, 4,3 ming gektar maydonda yangi uzumzorlar va 844 gektar maydonda issiqxonalar yaratiladi.
520 ta fermer xo‘jaligida meva-sabzavot, go‘sht-sut mahsulotlarini qayta ishlash, 785 ta fermer xo‘jaligida un mahsulotlari ishlab chiqarish, 3,9 ming fermer xo‘jaligida chorvachilik va parrandachilik, 2,3 ming fermer xo‘jaligida baliqchilik va asalarichilik, 2,1 ming fermer xo‘jaligida qo‘ychilik, echkichilik va quyonchilik, 171 ta fermer xo‘jaligida yilqichilikni va kurkachilik yo‘lga qo‘yiladi.
6732 ta fermer xo‘jaligida servis xizmatlari faoliyat boshlaydi.
Bu kabi loyihalar orqali 2018-yilda qishloq joylarda 83 567 ta yangi ish o‘rni yaratiladi.
Izoh (0)