19-dekabr kuni Toshkent shahar Ichki ishlar bosh boshqarmasi xodimlari chet el davlatida qidiruvda bo‘lgan shaxsni qo‘lga oldi. Bu haqda boshqarma rasmiy saytida ma’lum qilindi.
Tegishli axborot kelib tushgach, IIBB xodimlari tomonidan qidiruvdagi jinoyatchini ushlashga qaratilgan tezkor reja ishlab chiqildi. Shundan so‘ng 9:00 da Yakkasaroy tumani Farhod ko‘chasida o‘tkazilgan tadbir jarayonida o‘zini Qozog‘iston fuqarosi Baytasov Aydinu Tanirberganovich deb tanishtirgan shaxs aniqlanib, ushlandi.
O‘tkazilgan tekshiruv davomida uning asl ismi-sharifi Moldaxmetov Beybetim Kenjatay uli ekani aniqlandi.
U 1984-yilda tug‘ilgan Qozog‘iston Respublikasi fuqarosi bo‘lib, muqaddam bir necha bor sudlangan, uyushgan jinoiy guruh a’zosi, laqabi “Bebet”, Qozog‘iston tomonidan JKning 296-moddasi 4-qismida ko‘rsatilgan jinoyatlarni (giyohvandlik vositalari, psixotrop moddalarni o‘tkazish maqsadini ko‘zlamay qonunga xilof ravishda tayyorlash, qayta ishlash, olish, saqlash, tashish) sodir etgani uchun qidiruvda ekanini, unga nisbatan qamoqqa olish tarzidagi ehtiyot chorasi qo‘llanilganligi aniqlandi.
Hozirda B.K. Moldaxmetovni Qozog‘istonga ekstraditsiya qilish masalasi hal etilmoqda.
Izoh (0)