Istiqbolli Bell V-280 Valor konvertoplani ilk parvozini amalga oshirdi. Bu haqda Bell Helicopter kompaniyasi xabar bermoqda.
Mazkur mashina FVL (Future Vertical Lift) dasturi bo‘yicha tenderda qatnashish uchun ishlab chiqilgan. Dastur doirasida AQSh qurolli kuchlari uchun yangi harbiy vertolyotlar ishlab chiqiladi.
FVL dasturiga muvofiq, yaqin kelajakda Sikorsky UH-60 Black Hawk, AH-64 Apache va CH-47 Chinook vertolyotlarining o‘rnini egallashi lozim bo‘lgan besh turdagi tik uchar qurilmalari ishlab chiqilishi lozim.
V-280 Valor vertolyoti 2014-yili AQSh armiyasiga taqdim etilgan edi. Bu vertolyotda asosiy e’tibor og‘irlikni kamaytirish va qurilma mustahkamligini oshirib, narxini pasaytirishga qaratilgan.
Bu konvertoplan soatiga 518,6 kilometrgacha bo‘lgan tezlikda uchishi mumkin, jangovar radiusi 1481 kilometrga teng.
Izoh (0)