26—27-dekabr kunlari soat 19:00 da 80-yillarning afsonaviy qo‘shiqchilari Ottawan disko-dueti va Bad Boys Blue nemis yevrodisko-guruhining sobiq ishtirokchisi Kevin MakKoy “Istiqlol” san’at saroyi sahnasida kuylaydi. Konsertda tomoshabinlar, shuningdek, Farruh Zokirov va “Yalla” guruhi, Tohir Sodiqov hamda DJ Piligrim kabi milliy estradamiz yulduzlarini ham ko‘rishga muyassar bo‘ladilar.
Mashhurliklarining eng yuksak pallasi uzoq 80—90-yillarda kechgan bo‘lishiga qaramay, Ottawan va Bad Boys Blue bugungi kunda ham eng sevimli disko-qo‘shiqchilar sirasiga kirishadi, ularning muxlislari esa tobora ko‘payib bormoqda. Ular stadionlarda ko‘p minglab tomoshabinlarni yig‘a olishadi, ishtiroklaridagi barcha konsertlar anshlag bilan o‘tadi, ularning qo‘shiqlari esa dunyo radioto‘lqinlarida hamon jarang sochib turibdi!
Ottawan bir necha o‘n yillik faoliyati davomida bir necha bor yakkaxon ijrochisini o‘zgartirdi. Toshkentda tomoshabinlar betakror va otashnafas Mariya Ester ijrosidan bahramand bo‘ladilar.
Ester Balida, musiqasevarlar oilasida dunyoga kelgan, u bolaligidan sahna uning qismati ekanligini va albatta qo‘shiqchi bo‘lishi lozimligini his qilardi. Ottawan tarkibiga qo‘shilishdan avval u ancha tajriba orttirgan va keng tomoshabinlar auditoriyasiga ma’lumu mashhur edi.
Ottawan mashhur qo‘shiqlari qatorida o‘ziga dunyoviy shon-shuhratni keltirgan ommabop xitlari — D.I.S.C.O. va Hands Up (Give Me Your Heart) qo‘shiqlarini ham kuylaydi.
Bad Boys Blue esa bugungi kunda ham o‘zining yangi qo‘shiqlari, zamonaviy aranjirovkalari bilan eng talab kuchli jamoalardan. Jamoa sog‘inch hislarini uyg‘otuvchi ajoyib, yoqimli musiqa yarata oladiki, u hech kimni e’tiborsiz qoldirmaydi! Shu kuni You’re A Woman, Gimme Gimme Your Lovin, Hungry For Love kabi qator xitlar yangraydi.
Albatta, bunday konsertni milliy estrada yulduzlari ishtirokisiz tasavvur qilish qiyin. Afsonaviy “Yalla” guruhining rahbari, O‘zbekiston xalq artisti Farruh Zokirov — bugungi kunda o‘zbek shou-biznesining eng yorqin namoyandalaridan biri. Jamoaning qo‘shiqlarini respublikamizdan tashqarida ham sevib tinglashadi, ularning chiqishlari doim bayramga aylanib ketadi! Bir necha o‘n yillar avval ommalashgan xit qo‘shiqlar esa hamon mashhur va hamon sevimli!
“Bolalar” guruhi yetakchisi, taniqli qo‘shiqchi Tohir Sodiqov ham hamon mashhurlik cho‘qqisida. Uning muxlislari soni yoshlar o‘rtasida yanada ortib boryapti.
Bu ijodkorning chiqishlari esa doim shov-shuvlar bilan kutib olinadi. DJ Piligrimning muxlislari — ancha yosh, shu bilan birga talabchan tinglovchilar. DJ Piligrim musiqasi doim jo‘shqin, yorqin, yoqimli. Uning ijodidan romantik kompozitsiyalar ham o‘rin olgan.
80-yillar afsonalarining eng xit qo‘shiqlari poytaxt sahnasidan, toshkentlik tomoshabinlar uchun yangrashiga oz fursat qoldi. Bu orziqib kutilayotgan oilaviy bayram — Yangi yil arafasida musiqasevar muxlislar uchun eng yaxshi sovg‘a bo‘lib qolsa, ajab emas!
Konsertga biletlarni “Istiqlol” san’at saroyi kassasidan, shuningdek, myticket.uz saytida sotib olish mumkin.
Chiptalar haqidagi qo‘shimcha ma’lumotlar: 245-87-39 va 705-06-66. Chiptalar narxlari tomosha zalidagi o‘rinlarning joylashuviga qarab 50 000 dan 500 000 so‘mgacha.
Reklama huquqi asosida!
Izoh (0)