Berlingtonning 100 yoshli fuqarosi (Vermont, AQSh) Entoni Pomerli shahar aholisi uchun Rojdestvo oldi bayramini tashkillashtirdi. 450 ga yaqin odam qatnashgan bayramda barcha yeguliklar tekin bo‘ldi (Entoni bunga 13 ming dollar sarfladi). Bu haqda Time’ga tayanib, Forum Daily xabar berdi.
Erkak bu kabi tadbirni 37 yildan buyon har yili tashkillashtirib keladi. U boshqa o‘ziga nisbatan omadi kamroq chopgan odamlarga bayram tashkillashtirish uchun pullarini sarflashdan qochmasligini tan oldi. Bu kabi g‘oyaga uni qiyin kechgan bolaligi ilhomlantirgan.
37 yil oldin birinchi bayramni tashkillashtirishga Pomerliga hozirda amaldagi senator Berni Sanders yordam bergan, o‘sha vaqtlarda Sanders Berlington meri lavozimida ishlagan.
100 yoshli xayr-ehsonchining hisob-kitoblariga ko‘ra, 37 yil davomida o‘tkazgan bayram oqshomlarida qariyb 40 mingga yaqin muhtoj bolalar va kattalarning qornini to‘yg‘azgan.
Izoh (0)