Polsha seymi deputatlari 13-dekabr, chorshanbaga o‘tar kechasi Mateush Moravetskiy boshchiligidagi yangi hukumatga ishonch bildirish uchun ovoz berdi. Bu haqda “RIA Novosti” ma’lum qildi.
Parlamentning 243 nafar deputati yangi hukumatga ishonch bildirilishini ma’qulladi, 192 kishi qarshi chiqdi.
O‘tgan haftada Beata Shidlo boshchiligidagi Polsha hukumati iste’foga chiqqandi. Prezident Anjey Duda hukumat rahbarligiga hukmron partiya vakili, bosh vazir o‘rinbosari Mateush Moravetskiy nomzodini taklif etdi. 11-dekabr, dushanba kuni yangi hukumat qasamyod keltirdi.
Qayd etish joizki, barcha vazirlar o‘z o‘rnini saqlab qoldi. Yagona o‘zgarish — Mateush Moravetskiy va Beata Shidlo o‘rin almashdi.
Izoh (0)