Jahon banki neft yoki gaz razvedkasi va qazib olinishi bilan bog‘liq loyihalarni moliyalashtirishni to‘xtatadi. Bu haqda bank prezidenti Jim Yon Kim Parijda bo‘lib o‘tgan iqlim sammitida ma’lum qildi, deb xabar beradi EADaily.
Uning so‘zlariga qaraganda, bunday loyihalarni qo‘llab-quvvatlash 2019-yilga borib butunlay to‘xtatiladi.
“Global har tomonlama institut bo‘lgan Jahon banki o‘z operatsiyalarini o‘zgarib borayotgan dunyoga moslashtirishda davom etadi. Jahon banki guruhi 2019-yildan so‘ng neft va gaz qazib olinishini moliyalashtirmaydi”, — dedi Jim Yon Kim.
Faqatgina gaz qazib olinishi xalq farovonligi uchun manfaat keltiradigan eng kambag‘al davlatlar uchun istisnolar qilinadi.
Izoh (0)