Shunday mamlakatlar borki, u yerda aeroport mavjud emas. Insider Pro shu kabi mamlakatlar haqida ma’lumot to‘plab taqdim etdi.
Vatikan — maydoni 0,44 gektarga teng bo‘lgan Rim markazida joylashgan mamlakat. U yerda aeroport mavjud emas — ammo Italiya poytaxtidan Vatikanga bir zumda yetib olish mumkin.
San-Marino — 33 mindan ortiqroq aholiga ega ushbu mamlakat hududini Italiya to‘liq o‘rab turadi va u Federiko Fellini nomidagi xalqaro aeroportdan atiga 15 kilometr narida joylashgan.
Monako — eng mitti mamlakatlar qatorida 2-o‘rinda turadi. Aholisi 38,5 mingga teng. Mamlakatga tashrif buyurish uchun avvaliga Aéroport Nice Côte d'Azur xalqaro aeroportiga uchib kelish kerak, undan Monakogacha mashinada 25 daqiqada yetib olsa bo‘ladi.
Qiziq jihati, ro‘yxatdan o‘rin olgan Nauru va Tuvaluning xususiy aeroportlari mavjud, beshinchi va oltinchi o‘rindagilarda esa yo‘q.
Lixtenshteynga Shveysariya poytaxtidan 38 kilometr uzoqlikdagi “Altenrayn Sankt-Gallen” aeroporti orqali kelinadi.
Andorrada ham xuddi shunday — bu yerga mamlakatdan 40 kilometr naridagi davlatlar orqali kelinadi. Piriney vodiysidagi tog‘ tizmalariga uchish-qo‘nish maydonchasini qurish oson bo‘lmaganligi sabab, bu yerga Ispaniya yoki Fransiya orqali kelish mumkin. Andorra poytaxtiga eltuvchi esa eng qulay yo‘l — Ispaniyadagi “Jirona — Kosta-brava” aeroporti.
Falastin hududida ham aeroportlar mavjud emas, biroq Isroilning “Ben-Gurion” xalqaro aeroporti Vifleyemdan 42 kilometr uzoqlikda joylashgan.
Izoh (0)