AQSh KXDRda biologik qurol juda tez paydo bo‘lganidan xavotirda

Amerika razvedkasi kongressni 2006-yilda Pxenyan maxfiy ravishda biologik qurol ishlab chiqarayotganidan ogohlantirgan edi, deb xabar beradi “Gazeta.ru”.

Hozirgi kelib bu dastur yanada takomillashmoqda.

O‘n yil avval ekspertlar to‘laqonli qurol yaratish uchun Shimoliy Koreyaga texnik mahorat yetishmasligini ta’kidlagan edi.

Biroq, bugungi kunga kelib vaziyat o‘zgardi. KXDR “Bioqurolning zamonaviy dasturi uchun qo‘llanilishi mumkin bo‘lgan zarur mexanizmlarni o‘zlashtirish yo‘lida doimiy harakatda”.

Bundan tashqari, KXDR hukumati mikrobiologiyani o‘rganish uchun olimlarni xorijiy davlatlarga jo‘natmoqda.

Vaziyatning bunday rivojlanishi Shimoliy Koreya agar istasa, biologik qurol ishlab chiqarilishini sanoat miqyosida amalga oshirishi mumkin, deb hisoblayotgan amerikalik tahlilchilarni xavotirga soldi.

“Agar bu ertaga boshlansa, biz buni sezmasligimiz mumkin. Agar bizning omadimiz chopmasa va bizning odamimiz kerakli joyga kira olmasa”, —deydi ismi oshkor qilinmagan amaldor.