Ukrainaning NewsOne telekanali aksariyat tomoshabinlari 2014-yilda lavozimidan chetlatilgan prezident Viktor Yanukovichning hokimiyatga qaytishi uchun ovoz berdi. Bu haqda “RIA Novosti” xabar bermoqda.
So‘rov “Anna German bilan subyektiv yakunlar” dasturi efirida o‘tkazildi. Tomoshabinlarga “Agar sizga oldingi yoki keyingi hokimiyatni tanlash imkoniyati berilganida kimni tanlardingiz?” degan savol berildi.
Ko‘rsatuv davomida 47181 kishi o‘z javobini berdi. Ulardan 92 foizi “Yevromaydon”gacha bo‘lgan hokimiyatni yoqladi.
Ukrainaning hozirgi yetakchisi Pyotr Poroshenkoni elektron ovoz berishda ishtirok etganlarning atigi 8 foizi qo‘llab-quvvatladi.
Izoh (0)