Islom Karimov nomidagi Toshkent davlat texnika universiteti talabalari Unibot 3D-printerini ishlab chiqdi, deb yozadi “Spot.uz”. Xabar berilishicha, allaqachon FDM 3D-printerlarni ishlab chiqarish yo‘lga qo‘yilgan, uch o‘lchamli bosma bo‘yicha xizmat ko‘rsatish tashkillashtirilgan.
“Startap-tashabbuslar” dasturining ikkinchi davrasida g‘olib bo‘lgan Unibot loyihasini rivojlantirish rejasiga muvofiq, oziq-ovqat, metall uchun mo‘ljallangan, shuningdek, modulli printerlar uchun xomashyo ishlab chiqarish yo‘lga qo‘yiladi.
Buning uchun ishlab chiquvchilar 80 million so‘m jalb qilmoqchi , u 20 ta printerdan iborat 3D-laboratoriyani yaratishga, ish muhitini tashkillashtirishga, korxonani to‘liq jihozlashga va marketing faoliyatini boshlashga ishlatiladi.
Startap o‘zining asosiy afzalligi sifatida turli maqsadlar uchun mo‘ljallangan va turli kattalikdagi 3D-printerlarning uch o‘lchamli bosma bo‘yicha xizmatlarni 1 gramm material uchun 1000 so‘mdan amalga oshirishini ko‘rsatmoqda.
Izoh (0)