10-dekabr kuni APL chempionligi uchun da’vogar bo‘lgan Manchesterning ikki klubi “Old Trafford” stadionida o‘zaro saf tortadi. Derbi Toshkent vaqti bilan 21:30 da start oladi va Futbol-TV kanali orqali namoyish etiladi.
“Championat.asia” nashri o‘yin oldidan qiziqarli prevyu tayyorladi. Unda aytilishicha, Manchester derbisi futbol muxlislarining intizorlik bilan kutishi koefitsenti borasida “El-Klasiko”dan keyingi o‘ringa chiqib olgan.
Mazkur jamoalar ilk bor 1881-yilning 12-noyabrida o‘zaro kurash olib borgan. XIX asrga borib taqaladigan mazkur bellashuvda “Yunayted”ning qo‘li baland kelgan — 3:0. Farqi, o‘sha vaqtlarda bu jamoalar hozirgidek yuritilmasdi. “Yunayted” o‘sha vaqtlarda “Nyuton Xit” nomi bilan, “Siti” esa “Vest Gorton” bilan atalardi.
Jahonga mashhur Old Trafford hamda Etihad arenalari orasidagi masofa u qadar uzoq emas. Manchesterga borib qolsangiz, bu ikki stadion orasidagi masofa yengil mashinada 10 daqiqalik ekanini ko‘rasiz.
O‘zaro o‘yinlar
Bunda ustunlik “qizil iblislar” tomonida. Ularning hisobida 72 ta g‘alaba bor, mag‘lubiyatlar soni esa 50 ta.
Yirik hisobli o‘yinlar
Bunda “shaharliklar” ko‘pchilikni ajablantirgan o‘yinlar nisbatan ko‘proq ekanini ko‘rish mumkin:- 1926-yil: “Manchester Yunayted” — “Manchester Siti” 1:6
- 1955-yil: “Manchester Yunayted” — “Manchester Siti” 0:5
- 1994-yil: “Manchester Yunayted” — “Manchester Siti” 5:0
- 2011-yil: “Manchester Yunayted” — “Manchester Siti” 1:6
To‘purarlar ro‘yxati
Sovrinlarga ega chiqish borasida “Yunayted” yaxshiroq ko‘rsatkichga ega. Buni quyidagi jadvaldan ham ko‘rish mumkin. Faqatgina, ranglarda adashib ketmang, shundoq ham jadvalda ular o‘rin almashib qolgan (:
Izoh (0)