Iordan daryosining G‘arbiy sohili va Quddusning sharqiy qismida falastinliklar va isroilliklar o‘rtasida yuz bergan to‘qnashuvlar oqibatida 767 kishi jabrlandi, deya xabar bermoqda “Kommersant”.
Eng ko‘p — 479 kishi G‘azo sektorida jabrlangan. Falastin tibbiy xizmatlarining “RIA Novosti”ga ma’lum qilishicha, to‘qnashuvlar oqibatida ikki nafar falastinlik halok bo‘lgan.
AQSh prezidenti Donald Tramp Quddusni Isroil poytaxti deb tan olganidan so‘ng, Iordan daryosining G‘arbiy sohilidagi qator shaharlarda namoyishlar boshlangan edi.
Xususan, Quddusdan 8 kilometr janubda joylashgan Baytulahmdagi namoyishlar falastinliklarning Isroil politsiyasi bilan to‘qnashuvlariga aylanib ketdi.
Quddusning o‘zida esa jiddiy to‘qnashuvlar kuzatilgani yo‘q. U yerda namoyishchilar Damashq darvozasi oldida to‘plandi. Politsiya ularni ko‘p kuch sarflamay tarqatdi. Norozilik aksiyalari Hevron, Kalkiliya shaharlarida ham kuzatildi.
Izoh (0)