BMT Janubiy Sudanda dekabrdan aprelga qadar davom etadigan quruq mavsumda qurolli mojaro kuchayishi ehtimolidan xavotirlanmoqda. Bu haqda 7-dekabr, payshanba kuni butunjahon tashkiloti bosh kotibi o‘rinbosari Jan-Pyer Lakrua Xavfsizlik kengashi yig‘ilishida ma’lum qildi, deb yozadi “TASS”.
Uning so‘zlariga qaraganda, BMT Janubiy Sudandagi xavfsizlik bilan bog‘liq beqaror vaziyatdan jiddiy tashvishda. “Quruq mavsum kelishi bilan qurolli mojaro, shuningdek, qabilalararo to‘qnashuvlar kuchayishi mumkin”, — dedi u va mamlakatdagi achinarli iqtisodiy vaziyat ham xavfsizlik sohasidagi vaziyatga jiddiy ta’sir ko‘rsatayotganligini qo‘shimcha qildi.
“Biz hech narsa qilmasdan, shunchaki kuzatishda davom etishimiz mumkin emas. Hozir har qachongidan ham ko‘proq Kengashni hushyor bo‘lish, zo‘ravonlikni to‘xtatish, tinch aholini himoya qilish va siyosiy tartibga solishga yordam ko‘rsatish uchun ko‘proq harakat qilishga chaqiraman”, — deya ta’kidladi bosh kotib o‘rinbosari.
Izoh (0)