Rossiyada mablag‘ yetishmovchiligi tufayli “Barguzin” yangi avlod jangovar temir yo‘l kompleksini ishlab chiqish 2018—2027-yillar qurollanish davlat dasturiga kiritilmadi. Bu haqda Meduza xabar bermoqda

Foto: “RIA Novosti”

“Barcha raketa dasturlarini moliyalashtirish uchun mablag‘ yo‘q. Yangi davlat dasturiga kiritilgan ‘Sarmat’ va ‘Rubej’ uchun ‘Barguzin’ni vaqtincha qurbon qilishga to‘g‘ri keldi”, — dedi “TASS” agentligining mudofaa sanoati kompleksidagi suhbatdoshi.

Manbaga ko‘ra, “Barguzin” ustidagi ishlar 2016-yil kuzida yakunlangan. U bo‘yicha amalga oshirilgan oxirgi tadbir Plesetsk kosmodromidan “Yars” raketasining uchirilishi bo‘lgandi.