Olimlar OITV (Odam immuniteti tanqisligi virusi)ga qarshi yangi dorini Afrika mamlakatlarida sinab ko‘rishni rejalashtirmoqda, deb yozadi 7MedNews.

Foto: 7MedNews

Klinik sinovlar ViiV Healthcare kompaniyasi mutaxassislari tomonidan o‘tkaziladi. U uch ming nafardan ortiq ko‘ngillilarni yollashi haqida allaqachon e’lon berib bo‘ldi. Asosan Tropik Afrikada yashovchi 18—45 yoshli ayollarni saralab olishmoqda. Ekspertlar dorini har ikki oyda bir marta kiritish rejimida kabotegravirning himoya harakatini baholaydi. Olimlar dori uzoq muddatli istiqbolda OITVga qarshi samarali bo‘lishini taxmin qilmoqda.

Maymunlar ustida olib borilgan sinovlar GSK744 nomi bilan mashhur bo‘lgan dori samarali ekanligini isbotlagandi.