Yaqinda tarqalgan mish-mishlarga ko‘ra, Samsung Galaxy A8 (2018) va A8 Plus (2018) smartfonlari ustida faol ish olib bormoqda. Internetda paydo bo‘lgan qurilma old panelining jonli suratlari esa u haqda ancha-muncha qiziqarli ma’lumotlarni oshkor etadi, deb yozadi Hi-Tech Mail.Ru.

Foto: Hi-Tech Mail.Ru

Avvalroq kompaniya Infinity ekranli romsiz dizayndan arzon smartfonlari lineykasida foydalanishni rejalashtirayotgani haqida xabar berilgan edi. Endi esa u arzon lineykadagi Galaxy A8 (2018) smartfoniga o‘rnatilishiga shubha ham qolmadi — suratda aynan uning yuza paneli aks etgan.

Foto: Hi-Tech Mail.Ru

Unga ko‘ra, qurilmaning tepa romiga selfi uchun qo‘sh kamera o‘rnatiladiganga o‘xshaydi. Old panelda Home tugmasi bo‘lmagani sababli, barmoq izi skaneri A8 (2018)da orqa panelga joylashtirilishi mumkin.

Mish-mishlar bo‘yicha, Galaxy A8 va A8+ Galaxy S8 va S8+ flagmanlarining arzonroq va yengillashtirilgan versiyalari bo‘ladi. Ular kelasi oyda yoki 2018-yilning yanvarida paydo bo‘lishi mumkin.