“Koinot go‘zali” nomiga Janubiy Afrika Respublikasi vakilasi, 22 yoshli Demi-Li Nel-Piters sazovor bo‘ldi, deb yozadi “TASS”.
AQShning Nevada shtati Las-Vegas shahrida bo‘lib o‘tgan go‘zallik tanlovi finalida Nel-Piters boshlovchining savoliga javob berar ekan, “Koinot go‘zali” uchun eng muhim sifat — o‘ziga ishonch ekanligini aytdi. Uning ta’kidlashicha, ushbu unvon sohibasi “o‘z qo‘rquvlarini yengib”, buni amalga oshirishda boshqa ayollarga ham yordam bera olishi kerak. Qiz ushbu mezonga javob berishiga ishonch bildirdi.
“Koinot go‘zali” tanlovi 1952-yildan buyon o‘tkazib kelinadi. Tanlov g‘olibasi qimmatbaho toj, Nyu-Yorkda bir yil davomida bepul yashash va reklama shartnomasini qo‘lga kiritadi. Reklama shartnomasi doirasida u dunyo bo‘ylab safar qiladi va turli xayriya tadbirlarida qatnashadi.
Izoh (0)