Namangan viloyati Ichki ishlar boshqarmasi matbuot xizmati tomonidan yangi axborot dasturi efirga uzatilishi yo‘lga qo‘yildi. Bu haqda “Daryo”ga xizmat vakillari ma’lum qildi.
“Navbatchilik qismi xabarlari” nomi bilan tomoshabinlar hukmiga havola etilayotgan mazkur dastur Namangan viloyat teleradiokompaniyasi efirida haftaning har payshanba kuni soat 18:30 da, 20:30 da va takroran haftaning juma kuni 08:30 da va 12:30 da namoyish etiladi.
Dastur orqali viloyatda ichki ishlar yo‘nalishida yuz berayotgan yangiliklar, tezkor xabarlar berib borilishi ko‘zda tutilgan.
Izoh (0)