Rossiyaning Yoqutiston Respublikasidagi Russkoye Ustye qishlog‘ida maktab o‘quvchilari 21-noyabr kuni qor bo‘roni va izg‘irin shamol ostida maktabdan uyga qaytishga majbur bo‘ldi. Holat aks etgan videoni TJournal taqdim etdi.
Mahalliy OAVlarning ma’lumotlariga ko‘ra, shamol kunning ikkinchi yarmida, o‘quvchilarning mashg‘ulotlari tugashi arafasida ko‘tarilgan. Shamolning tezligi soniyasiga 30 metrga yetgan. 22-noyabr kuni Russkoye Ustyedagi maktab va bog‘cha vaqtincha yopilgan.
21-noyabrda qishloqda havo harorati 15 daraja sovuqni tashkil qilgan. Sinoptiklarning ma’lumotlariga ko‘ra, izg‘irin shamol 25-noyabrda pasayadi.
Odatda Yoqutistondagi maktablar havo harorati 40—50 daraja sovuqni tashkil qilganda yopiladi.
Izoh (0)