Qirg‘iziston prezidenti Almazbek Atambayev O‘zbekiston Prezidenti Shavkat Mirziyoyevni “Danaker” ordeni bilan mukofotladi. Bu haqda Qirg‘iziston davlat rahbari matbuot xizmati xabar bermoqda.
Shavkat Mirziyoyev Qirg‘iziston va O‘zbekiston o‘rtasida strategik sherikchilik munosabatlarini o‘rnatish hamda an’anaviy do‘stlik va yaxshi qo‘shnichilik aloqalarini mustahkamlash yo‘lidagi ulkan shaxsiy hissasi uchun taqdirlangan.
“Danaker” ordeni bilan xalqlar o‘rtasida tinchlik, do‘stlik va hamkorlikni mustahkamlash ishiga katta hissa qo‘shgan shaxslar mukofotlanadi. Ordenning orqa tomoni oltin bilan qoplangan.
Qirg‘izistonning ushbu davlat mukofoti bilan taqdirlanganlar orasida Rajab Toyyib Erdo‘g‘on, Dmitriy Medvedev, Xitoy tashqi ishlar vaziri Van I, jahonga mashhur violenchelchi Yo Yo Ma kabilar bor.
Izoh (0)